लागू औषध सहित मानिस पक्राउ
– जिल्ला कास्की लेखनाथ न.पा. वडा नं. १ भण्डारढिक बस्ने वर्ष ३१ को निर बहादुर गुरुङ्गले विभिन्न किसिमका लागू औषधहरु ओसार पसार, विक्री वितरण गर्ने गर्दछन भन्ने विशेष सूचनाको आधारमा प्रहरी चौकी शिसुवाबाट खटिएको प्रहरी टोलीले निजको घर कोठाबाट डाईजापाम ८, नर्फिन ८ र फेनरागन ८ सहित निज निर बहादुर गुरुङ्गलाई पक्राउ गरी लागू औषध मुद्धामा थप अनुसन्धान कारवाही भईरहेको ।
जवरजस्ती सुन चोर्ने पक्राउ
– मिति २०६९/६/१९ गते बेलुका अं. ७:०० बजेको समयमा जि. कास्की हेम्जा ३ सापकोटाचोक बस्ने तारा जैसी (पौडेल) आफनो खुद्रा पसलमा बसी रहेको अवस्थामा अपरिचित व्यक्तिहरुले निजले लगाएको अं. एक तोलाका सुनको सिक्री जवरजस्ती लुटी चोरी फरार रहेको भन्ने सूचना प्राप्त हुनासाथ वडा प्रहरी कार्यालय बगरबाट खटिएको प्रहरी टोलीले निम्न व्यक्तिहरुलाई चोरी गरेको सुनको सिक्री सहित पक्राउ गरी मिति २०६९।६।२५ गते देखि नै लागू हुने गरी सम्मानित कास्की जिल्ला अदालतबाट म्याद थप अनुमति लिई चोरी मुद्धामा थप अनुसन्धान कारवाही भईरहेको ।
पक्राउमा परेको व्यक्तिहरु ः
(क) जि. धादिङ्ग फुलखर्क घर भई हाल कास्की जि. हेम्जा १ बस्ने बिमल बहादुर गुरुङ्ग,
(ख) जि. धादिङ्ग फुलखर्क घर भई हाल कास्की जि. हेम्जा १ बस्ने अन्जु गुरुङ्ग
(ग) जि. धादिङ्ग फुलखर्क घर भई हाल कास्की जि. हेम्जा १ बस्ने बुद्धिमान गुरुङ्ग
सवारी दुर्घटनाबाट मानिसको मृत्यु :
– मिति २०६९/०६/२६ गते बिहान ०३:२० बजेको समयमा जि. कास्की पोखरा उप.म.न.पा. वडा नं. ८ जिरो कि.मी.मा पार्किङ्ग एवं रोकी राखेको ना.३.ख. ७०१९ नं. को बसमा सोही समयमा लेकसाईड तर्फबाट आई रहेको बा.८.च. १८०० नं. को कार उक्त बसमा आई ठक्कर खाँदा उक्त कारमा सवार ४ जना मध्ये कार चालक पोखरा – ८ सृजनाचोक बस्ने वर्ष २० को मोहन नेपालीको घट्नास्थलमै मृत्यु भएको, तत्काल प्रहरी टोली पुगी उद्धार गरी मृतक लास प.क्षे. अस्पतालमा पठाईएकोमा उक्त लाशको प्रारम्भिक अनुसन्धान पुरा गरी मृतक लाश आफन्तको जिम्मा लगाईएको । सोही गाडीमा रहेका अन्य ३ जना व्यक्तिहरु सामान्य घाईते भएको ।
जिल्ला प्रहरी कार्यालय, कास्की ।
No comments:
Post a Comment
Please, comment about this article.