कृषि तथा ब्यापार आयोजनाको प्रशिक्षणमा भाग लिनेको चाप

ब्यबसायिक कृषि तथा ब्यापार आयोजनाले उप आयोजनाका लागि परियोजना अवधारणा पत्र तयार गर्नेहरुका लागि १ दिने प्रशिक्षण सञ्चालन गर्दा देशका बिभिन्न ठाउमा सहभागिहरुको निक्कै चाप देखिएको छ ।

ब्यबसायिक कृषिका लागि बैदेशिक अनुदान समेत उपलब्ध गराउने ब्यबसायिक कृषि तथा ब्यापार आयोजनाले प्रतिस्प्रधात्मक रुपमा उप आयोजनाका लागि समुह  र संस्थाको छनौट गर्ने गर्दछ ।  प्रतिस्प्रधात्मक रुपमा उप आयोजनाका लागि छनौटमा पर्ने क्षमताका लागि प्रशिक्षणमा भाग लिनेको चाप बढेको देखिएको छ ।

तालिममा पोखरा क्षेत्रमा १३३ जनाको २ शत्र सञ्चालन भएको छ । कृषि इलमीहरुको यो उत्साहमा पाटीका नेता तथा संविधान सभाका सभासद समेत सहभागी भएका छन् ।

पोखरामा भएको प्रशिक्षणमा केशव नेपाल र महेन्द्र थापाले श्रोतब्यक्तिको रुपमा सहजीकरण गरेको सहजकर्ता शंभु कार्कीले  जनाएका छन् । पोखराका साथै काठमाण्डौं , चितवन, नेपालगञ्ज,धनगढी समेतमा गरी ७१० जना कृषि इलमीहरु सहभागि भएको आयोजनाका अनुगमन अधिकृत टीकाराम शर्माले जनाएका छन् ।