बम राखी जनयुद्धको सुरुवात भएको उद्घोष

आफूलाई नेपाल कम्युनिस्ट पार्टी मालेमाका दाङ जिल्ला इञ्चार्ज बताउने ‘आजाद’ नाम गरेका व्यक्तिले तुलसीपुर बजारमा बम राखी ‘जनयुद्ध‘को सुरुवात गरेको दावी गरेका छन् । स्थानीय सञ्चारमाध्यममा टेलिफोन गरी उनले ‘जनयुद्ध’को सुरुवातका लागि बम राखिएको भन्दै जिम्मेवारी लिएका हुन् । ‘सामन्तवादी र दक्षिणपन्थीविरुद्ध युद्व घोषणा गरिएको’ दावी गर्दै आजादले आफ्नो पार्टीको केन्द्रीय अध्यक्ष प्रवल विद्रोही भएको दावी गरेका छन् । तुलसीपुर नगरपालिका स्थित विजय फर्निचर बाहिर मंगलबार एक क्यान बम फेला परेको थियो । उक्त बमलाई तुलसीपुरस्थित नेपाली सेनाको १९ नम्वर बाहिनीबाट गएको बम डिस्पोजल टोलीले निस्क्रिय पारेको थियो ।