कास्की, २२ फागुन
हेम्जामा आलु महोत्सवको आयोजना गरियो सो महोत्सवमा विभिन्न जातका आलु र आलुका परिकार प्रदर्शनीमा राखिएको थियो ।
आलु उत्पादनको पकेटक्षेत्र मानिने हेम्जाको आलुको प्रचारप्रसारका साथै उत्पादनकर्ता र उपभोक्ताबीचको दुरी कम गर्न महोत्सवको आयोजना गरिएको आयोजक बहुउद्देश्यीय किसान सहकारी संस्था लिमिटेड, हेम्जाले जनाएको छ । महोत्सवमा कारडिनल, जनकदेव, एमएस ४२ निलो, खुमल रातो खुमल निलो, टिपिएसलगायत जातका आलु प्रदर्शन गरिने आयोजकले जनाएको छ ।“फागुन २२ गते हेम्जा जाऔँ आलुका विभिन्न परिकारमा रमाँऔँ” भन्ने नाराका साथ सुरु भएको महोत्सवमा आलुका विभिन्न परिकारको स्वाद चाख्न पाइने । अन्य भेगका किसानले हेम्जाको आलु भन्दै अन्य ठाउँको आलु बिक्री गर्नेगरेको हेम्जाको आलुको गुणस्तरीयता मापन गर्न पनि महोत्सव आयोजना गरिएको प्रस्ट
महोत्सवमा करिब रु.३० लाखको कारोबार गरिने लक्ष्य राखिएको छ । क्षेत्रीय कृषि निर्देशक वीरेन्द्रबहादुर हमालका अनुसार हेम्जामा मात्रै ४०० हेक्टर क्षेत्रफलमा आलुखेती गरिने गरिएको र यसबाट प्रतिवर्षआठ हजार मेटि्रक टन आलु उत्पादन हुनेगरेको छ ।
नेपालको कुल एकलाख ५६ हजार ७३६ हेक्टर जग्गामा बर्षेनी २० लाख ५४ हजार ८१७ मेटि्रक टन आलु उत्पादन हुने गरेको छ । पश्चिमाञ्चलमा कुल २० हजार ९३० हेक्टरमा आलुखेती गरिन्छ भने कास्कीमा मात्र कुल १० हजार ३० हेक्टरमा आलुखेती गरिने गरिएको क्षेत्रीय कृषि निर्देशनालय, मालेपाटन कास्कीले जनाएको छ ।
खाउ आलु पोलेको|
ReplyDelete