नेपालमा पहिलो पटक विश्व शान्ति पूजा

पोखरा, ३ फागुन
तमुधि नेपालको चौतर्फी विकासका लागि आयोजना हुने विश्वशान्ति पुजा हुनु अगा8Lg} दुई करोड संकलन भएको छ । नेपालको इतिहासमै पहिलो पटक तमुधि नेपालले यहL फागुन ५ गतेदेखि ११ गते सम्म आयोजना गर्न लागेको तमु विश्वशान्ति पुजा सुरु हुनु भन्दा अगाडिनै सो रकम संकलन भइसकेको तमुधि नेपालले सोमबार पोखरामा आयोजना गरेको पत्रकार सम्मेलनमा जानकारी दिइएको हो । सगरमाथा टेलिभिजनका अध्यक्ष निर्मल गुरुङले एक करोड दिने बचन दिएको तमुधि नेपालका अध्यक्ष कर्म तमुले पत्रकार सम्मेलनमा जानकारी दिनुभयो । त्यस्तै तमुधि यूकेले ५० लाख र तमुधिका सल्लाहाकार गणेश बहादुर गुरुङले एक लाख, सन्त बहादुर गुरुङले एक लाख, खिम बहादुर गुरुङले एक लाख, अमर गुरुङले एक लाख, विश्वसंकर पालिखेले ५१ हजार र तमुधि कार्यसमितिबाट १७ लाख संकलन हुने पक्का भएको अध्यक्ष गुरुङले जानकारी दिनुभयो । बहुउद्देश्यीय भवन निर्माणको सम्पुर्ण खर्च काठमाण्डौका मिन बहादुर गुरुङले ब्यहोर्ने प्रतिबद्धता ब्यक्त गर्नु भएको छ ।
तमु जातिको पुरोहितहरु पच्यू, क्ल्हेब्री र लामा गुरुहरुबाट पहिलोपटक एकै जग्गेबाट धार्मिक प्रवचन गरिने भएको छ । डिम यूनिभर्सिटिबाट वाराणसीबाट बौद्ध दर्शनमा आचार्य गर्नुभएका प्रखर वाचक गरु आचार्य कमल तामाङ्खबाट बुद्ध प्रवचन, पच्यूचिव कुलबाहादुर गुरुङ तमु र क्ल्हब्रीचिव देवबहादुर तमुबाट तमु जातीको कुल धर्म बारे प्रवचन गरिने तमुधि नेपालका महासचिव देवीराज तमुले जानकारी दिनुभयो । विश्व शान्ति पुजाबाट करिव ८ करोड संकलन गर्ने लक्ष्य र १० लाख खर्च हुने अनुमान आयोजकले गरेको छ । संकललित रकमबाट तमुधि नेपालको भौतिक संरचनालाई ब्यवस्थित गर्न जग्गा खरिद र बहुउद्देश्यीय भवन निर्माण तथा नसिङ होम, सामाजिक न्याय कक्षा, बृद्ध क्लव, प्रौढ शिक्षा कक्ष, तमु भेषभुषा, भाषा तालिम कक्ष निर्माण, उच्च शिक्षा अध्ययनका लागि डार्.हर्क चन्द्र छात्रबृत्ति स्थापना, गरिब जेहेन्दार र अपाङ्ख तमु विद्यार्थीहरुको लागि छात्रबृत्ति, नाल सभालाई निरन्तरता दिने लगायतका योजना तमुधिले बनाएको अध्यक्ष कर्म तमुले जानकारी दिनुभयो । विश्वमा मानविय नैतिक मुल्य मान्यता हराउदै हत्या हिंसा, अशान्ति, दुराचार बढदै गएकाले धार्मिक प्रवचन मार्फ नैतिक शिक्षाको सन्देश प्रवाह र शान्तिको कामना गदै पुजा आयोजना गरिएको तमुधि नेपालका अध्यक्ष कर्म तमुले जानकारी दिनुभयो । विश्व शान्ति पुजको उद्घाटन बुधबार एक करोड दाता निर्मल गुरुङले गर्ने कार्यक्रम रहेको छ ।